وحق الله وقضاه بسماه ...وارضه
بغيرك لاتضن اقنع...وارضه
عشرتي وياك عشرة خشب...وارضه
تلفت عضاي من سكنت بيه
صاير لاخجل عندك..ولا احياء
شفهمت من الادب كلي ...والاحياء
وحق الموت والماتو ...والاحياء
اصدك بيك لاتكذب عليه
انه الشديت جرحك ليش...حليت
وكل ضنك بحلة الطلاب...حليت
اجاوب بأمتحاني وغلط حليت
شجاوب وانته شاغل حته اديه
عشرتك روحي صدك ...ما تملهه
وكلبي ايام سعدك ...ماتملهه
اريد انصب الروحي ...ماتم الهه
واشوفك هم تجي وتبجي عليه
