تحجي اعله الحبه ليش انته وراهم
الغدر ليك الشخصك وؤاهم
ضحكك موسهل خايب وراهم
اليشوفك ليالي السود المرن عليه
==================
اليشوفك ليالي السود من عندي وعد لك
حسبها الوكت طعناتك وعد لك
اعوج والزمن بيده يعدلك
يمشيك بدرب ماشيته رجليه
====================
يمشيك بدرب نفسه المر عليه
تحتاجني بيام الشدايد مر عليه
العسل بعدك يصاحب مر عليه
حلو طعم العسل من تمر بيه
==================
حلو طعم العسل منك اشوفك
اسهام المضن بلكلب الهن اشوفك
تكول اعليك حبل الوكت ماينفك اشوفك
وعليكم شمرته بثنين اديه
====================
عليكم شمرته وماشكيت الحال
لتسولف بلمضن سولفلي بلجال
تنشد عله المصايب وتكول شنو الحل
امت احيه مترد عليه
===================
اموت احيه ولا واحد يسلني
افركك مرض ليه يسلني
تعبت وعكب شخصك من يسلن
يطرحلي السئوال وجاوب ببوذيه
====================
يطرحلي السئوال والغيره مارد
طيفك العني مشه لليوم مارد
اصيرن مصبلح الك سحري ومارد
للجنه انقلك ونذهب سويه
===============
للجنه انقلك كون هسه
نبض كلبك ابذني ايدك اهسه
اكله امشي ويكلي اه هسه
نمشي ومانضل بهل دنيه
================
نمشي ومانضل خطار عدكم
وراكم احسب جي غلط عدكم
اعله الوفه انتو بعدكم
لو تحبون الغدر بيه
=================
لو تحبون الغدر مستغرب انه
شغير احوالك يولفي مستغرب انه
عليه الغربه صعبه ومستغرب انه
للعيون النحبهم اصيرن غطه وفيه
================
للعيون النحبهم من الغربه رديت
اراسل ولا فديوم رديت
وصلت ولا اجيت انته جن ولا رديت
بالك منشغل والبيه بيه
=================
بالك منشغل بيمن ومن هم
اصيح من المرص ويلي ومن هم
عليل الجسد من عدهم ومن هم
يداوي ويجرح ابئيده سويه
==============
يداوي ويجرح والمرض نفسه
احسك وحي والملك نفسه
طيبه وما تعرف الحقد نفسه
احبك مااعوفك للمنيه
-==============
احبك مااعوفك لو ركبتي كصيت
يوم الجعت لحمات من الكلب كصيت
اسمعك ما اشوفك صرت كصيت
ناصي انته الجنت عليتك بديه
================
انت افصح لسان
